Ben dzem

Ben bô ben dzem ki bô krem txeu, kretxeu!
Ben bô ben falam ki bô t'amam, amor!
Ben mansinho... txiga na mi,
Aproximan di nha ouvidu y susurram'el.

Abô ê musa d'inspirasao pa ês versu tudo,
Abô ê koza ki max un kre nês mundo;
Bô ê razão pa tudo ês nha viver,
Ai, abô ê mdjer ki tud'omi ta kre ter.

Ben mansinhu e bô kola na mim,
Ben fazen un xamegu li nês cantin,
Undi nha korason ku tudu sê amor ta sperab,
Undi nha korpu ku tudu sê força ta desejab!